Azkenean heldu da! Nirewiki martxan dago! Behar genuen plataforma dagoeneko prest dago.

Nire* "enporio"-ko azken kimua wikiak sortzeko plataforma dugu eta beste kimu guztiak bezala (Nireblog, Nirudia, NireTV) eleanitza da eta noski euskaraz ere lehenengo egunetik dugu. Gainera uste dut wikiak sortzeko euskarazko plataforma bakarra dugula.

Irakaskuntzan euskaraz aritzen direnentzat hau oso interesgarria eta erabilgarria da. Orain gure wiki osoak euskaraz sortu ditzakegu.

Bestalde, wiki soil bat sortu beharrean Nirewikik taldeak edo komunitateak sortzeko aukera ematen du eta hau bai dala oso interesgarria ikastetxe eta unibertsitateentzat. Dena den beste ezaugarri interesgarri ugari ditu.

Lorenak eta Ketarik lan eskerga egiten ari dira eta laster Nirewikiren kodea liberatu egingo dutela diote GPL lizentziapean. Espero dut honek proiektuari garapen eta bultzada handia emango diola. Oraingoz webgunean zabalik dago funtzionalitateak eskatzeko lekua eta hor zure iradokizunak egin ditzakezu. Dena den proiektuan lagundu dezakezu eta zabalik dago parte hartzeko aukera.

Beste aipamen batzuk sarean: